«ПСЖ» ярим ҳимоячиси Уоррен Заир-Эмерига Дортмунднинг «Боруссия» клуби қизиқиш билдирмоқда.
RMC Sport нашрининг таъкидлашича, Дортмунднинг «Боруссия» клуби аллақачон 17 ёшли иқтидорли ярим ҳимоячининг трансфери борасида парижликлар билан мулоқотга киришган.
Манбага кўра, «ПСЖ» Заир-Эмерини қўйиб юбориш ниятида эмас ва билан яқин вақт ичида ҳамкорликни узайтириш бўйича музокараларни бошламоқчи.
Қайд этилишича, ёш франциялик футболчининг хизматларига «асаларилар»дан ташқари «Манчестер Сити» ва «Арсенал» клублари ҳам қизиқиш билдирмоқда.
Ярим ҳимоячининг «ПСЖ» билан тузган меҳнат шартномаси 2025 йилнинг ўрталарига қадар тузилган. Transfermarkt портали футболчининг нархини 20 миллион еврога баҳоламоқда.
