"Барселона" бразилиялик ҳужумчи Неймарни "Камп Ноу"га қайтаришдан бош тортди. Mundo Deportivo нашри "кўк-анорранглилар"нинг бундай қарори сабабидан хабардор бўлди.

Манба берган хабарга кўра, Испания чемпионлари 31 ёшли юлдузни қўлга киритиш молиявий жиҳатдан фойдасиз бўлиб, жамоанинг кийим алмаштириш хонасидаги муҳит бузилишига олиб келиши мумкин, деган қарорга келган.

Неймар 2013 йилдан 2017 йилгача "Барселона" шарафини ҳимоя қилган, шундан сўнг 222 миллион евро эвазига "ПСЖ"га ўтган эди. Бу футбол тарихидаги энг қиммат трансфер. Бразилиялик футболчининг французлар билан шартномаси 2025 йилнинг ёзига қадар тузилган.