"Челси" ярим ҳимоячиси Кристиан Пулишич фаолиятини "Милан"да давом эттиради. Бу ҳақда таниқли журналист Фабрицио Романо хабар бермоқда.
Манбанинг хабарига кўра, шу ҳафтанинг бошида америкалик футболчи Италия клубига ўтишини якунлаш учун тиббий кўрикдан ўтади. Қайд этилишича, барча ҳужжатлар аллақачон имзоланган, 24 ёшли вингернинг “россонерилар” билан шартномаси 2027 йилнинг ёзига қадар ҳисоблаб чиқилади.
Аввалроқ, "Милан" Пулишич учун тахминан 20 миллион евро тўлаши хабар қилинганди.