Номи ошкор этилмаган Саудия клуби "Зенит" вингери Малкомни сотиб олмоқчи.
Футбол агенти Тимур Гурцкаянинг фикрича, трансфер суммаси 50 миллион еврони ташкил қилиши мумкин.
"Малком кетиш арафасида, у Саудия Арабистонига кетмоқчи бўлиши мумкин. 50 миллион евролик таклиф тушгани ва у билан маош келишиб олингани ҳақида маълумотлар бор, баъзи ҳисоб-китобларга кўра, йилига 10-12 миллион атрофида ўзгариб туради.
Мен "Зенит"дан билишга ҳаракат қилдим, улар буни инкор қилишмаяпти, лекин тасдиқламадилар ҳам. Унинг товон пули 60 млн. Агар Саудия Арабистони клуби "Зенит" билан музокарага киришишни истамаганида, бу 60 миллион бўларди, лекин улар Малком учун 50 миллион евро беришни хоҳлашмоқда", - деди Гурцкая.
Ўтган мавсумда Малком РПЛнинг 27 ўйинида 23 та гол урди.
2019 йилда "Зенит" унинг учун "Барселона"га 40 миллион евро тўлаган.
