"Тоттенхэм" ҳужумчиси Харри Кейн жамоада қолиб, "шпорлар" билан яхши шахсий шартнома борасида келишиб олиши мумкин. Бу ҳақда The Telegraph нашри хабар бермоқда.
Манбага кўра, Кейн ҳафтасига 400 000 фунт (468 000 евро) ишлаб олиши мумкин бўлади. Ҳужумчининг "Тоттенхэм" билан амалдаги шартномаси келаси мавсум охиригача амал қилади. Қайд этилишича, Кейннинг клубдаги келажаги ҳақидаги қарорида молиявий компонент асосий омил эмас. Футболчи "Тоттенхэм" жиддий муваффақиятларга эриша олиши учун кафолат олишни истамоқда. Кейн жамоанинг янги бош мураббийи Анж Постекоглу билан учрашмоқчи.
Аввалроқ ОАВда "Тоттенхэм" Кейнни қўлга киритиш бўйича "Бавария"нинг бир нечта таклифларини рад этгани ҳақида маълумот пайдо бўлганди.
