"Наполи" президенти Аурелио Де Лаурентис яқинда "Ювентус"да худди шундай лавозимга тайинланган собиқ спорт директори Кристиано Жунтоли ҳақида ўз фикрлари билан ўртоқлашди.
"Мен буни умуман кутмагандим. Бу мен учун кутилмаган бўлди. Жунтоли "Ювентус"нинг бундай мухлиси эканини билмагандим. Агар билганимда ундан тезроқ қутулган бўлардим", - деди Де Лаурентис.
"Ювентус"га тайинланганидан сўнг ўзининг биринчи интервьюсида Жунтоли болалигиданоқ "кекса синьора"га ишқибозлиқ қилганини айтди. Кристиано аввалги саккиз мавсумни “Юве”нинг энг ашаддий рақиби бўлган “Наполи”да ўтказди.
