"Тоттенхэм" ҳужумчиси Харри Кейн "ПСЖ"нинг таклифини қабул қилмайди, деб хабар беради BILD.
Олдинроқ парижликлар 29 ёшли ҳужумчи учун "Тоттенхэм"га 100 миллион евро таклиф қилишга тайёр экани ҳақида хабар берилганди. Манбага кўра, Кейн "ПСЖ" таклифини рад этади, чунки уни фақат "Бавария"га ўтиш қизиқтиради.
2022/23 йилги мавсумда Кейн лондонликлар сафида 49 та ўйинда майдонга тушиб, 32 та гол ва 5 та голли узатмани амалга оширган. Унинг клуб билан шартномаси келаси йилнинг ёзида якунига етади.