"Реал" бош мураббийи Жозе Моуриньо Германиянинг "Бохум" клуби яримҳимоячиси 17 ёшли Леон Горетскига қизиқиш билдирмоқда, дея хабар беради немис матбуоти.
17 ёшли футболчи немис футболининг энг иқтидорли ва келажаги порлоқ ҳисобланаётган ёшларидан ҳисобланади. Португалиялик мутахассис уни аввал "Кастилья"да ("Реал"нинг иккинчи жамоаси) синаб кўрмоқчи.
Таъкидлаш жоиз, "Қироллик клуби" вакиллари ёш футболчини бир неча ҳафтадан буён кузатиб келмоқдалар. Баъзи мутахассислар уни Германия термаси яримҳимоячиси Михаел Баллакка тенглаштирмоқдалар.
"Биз ҳеч қанақасига Горетски билан хайрлашмқчимасмиз. У яна бир неча йил "Бохум"да тўп суради", - дейди клуб менежери Йенс Тодт.
