Kicker журналисти Георг Хользнернинг сўзларига кўра, "Бавария" энди қанот ҳужумчиси Садио Манени ўз режаларига киритмаяпти.
Манбага кўра, мюнхенликлар бу ҳақда сенегалликнинг ўзини хабардор қилган.
Аввалроқ 31 ёшли футболчига "Ал-Иттифоқ" ва "Ан-Наср" клублари қизиқиш билдираётгани ҳақида хабар берилганди.
2022/23 йилги мавсумда вингер “Бавария” сафида 38 та ўйинда майдонга тушиб, 12 та гол урди ва 6 та голли узатмани амалга оширди. Шартнома 2025 йилнинг ёзига қадар мўлжалланган. Transfermarkt портали футболчининг нархини 25 миллион еврога баҳоламоқда.