"Эвертон" ҳужумчи Энтони Эланга трансферини муҳокама қилиш учун тез орада "Манчестер Юнайтед" билан бевосита боғланади. Бу маълумотни инсайдер Фабрицио Романо ўзининг ижтимоий тармоқларида тасдиқлади.
Манбанинг таъкидлашича, Элангага "Эвертон" январь ойидан бери қизиқиб қолган, бироқ ўшанда "Манчестер Юнайтед" бош мураббийи Эрик тен Хаг футболчига омон қолиш учун курашаётган инқирозли жамоага қўшилишни маслаҳат бермаган.
"Эвертон" Элангани ижарага олмоқчими ёки уни доимий равишда сотиб олмоқчими, бу номаълум. Англия премьер-лигасининг аввалги мавсумининг 16 ўйинида Энтони битта голли узатмани амалга оширган.
