"Атлетико Мадрид" ҳимоячиси Ренан Лоди аллақачон бир оёғи билан "Марсел"да бўлиб турибди.
L'Equipe нашри хабарига кўра, 25 ёшли футболчи билан келишув сўнгги босқичга кирган. Манбага кўра, Лодининг трансфери "Марсел"га 13 миллион еврога тушади.
Футболчининг ўзи аллақачон клуб билан шахсий шартнома шартларини келишиб олган, бироқ ҳали тиббий кўрикдан ўтмаган.
Бразилиялик футболчи ўтган мавсумни "Ноттингем Форест"да ижара асосида ўтказди. Инглиз клуби таркибида Лоди барча мусобақаларда 32 та ўйинда майдонга тушди.
Аввалроқ, футболчи бош мураббий Диего Симеоне билан можаро туфайли "Атлетико"да қолмаслиги хабар қилинганди.
