"Atletiko Madrid" himoyachisi Renan Lodi allaqachon bir oyog‘i bilan "Marsel"da bo‘lib turibdi.

L'Equipe nashri xabariga ko‘ra, 25 yoshli futbolchi bilan kelishuv so‘nggi bosqichga kirgan. Manbaga ko‘ra, Lodining transferi "Marsel"ga 13 million yevroga tushadi.

Futbolchining o‘zi allaqachon klub bilan shaxsiy shartnoma shartlarini kelishib olgan, biroq hali tibbiy ko‘rikdan o‘tmagan.

Braziliyalik futbolchi o‘tgan mavsumni "Nottingem Forest"da ijara asosida o‘tkazdi. Ingliz klubi tarkibida Lodi barcha musobaqalarda 32 ta o‘yinda maydonga tushdi.

Avvalroq, futbolchi bosh murabbiy Diyego Simeone bilan mojaro tufayli "Atletiko"da qolmasligi xabar qilingandi.