"Интер" чап қанот ҳимоячиси Робин Госенс "Вольфсбург"га ўтишга рози бўлди.

29 ёшли футболчи тез орада "нерадзурри"ни тарк этиши эҳтимоли катта - Германия Бундеслигаси ва Англия Премьер-лигаси вакиллари унга ўтган ойдан бери қизиқиш билдиришмоқда. Инсайдер Жанлука ди Марционинг сўзларига кўра, “Вольфсбург” бошқа даъвогарлардан кўра кўпроқ муваффақиятга эришган, у аллақачон Госенс билан ҳамкорлик шартларини келишиб олган. Бироқ “бўрилар” ҳали “Интер” билан трансфер борасида келиша олишмади. Милан клуби футболчи учун 18 миллион евро сўрамоқда.

Робин Госенс “Интер” сафида жами 58 та ўйин ўтказиб, 5 та гол ва битта голли узатмани амалга оширган.