"Бавария"нинг чап қанот ҳимоячиси Альфонсо Дэвис жамоани тарк этиш ҳақида ўйламоқда.
Канадалик ва немис гиганти ўртасидаги амалдаги шартнома 2025 йилгача мўлжалланган. Клуб келишувни узайтиришдан манфаатдор, бироқ 22 ёшли футболчини ҳозирча ишонтиришнинг имкони бўлмади - музокаралар тўхтаб қолди, дея хабар беради журналист Тоби Альтшеффл. Бироқ Дэвис бу ёзда “Бавария”ни тарк этиш ниятида эмас. У яқинлашиб келаётган мавсумни Мюнхенда ўтказиш ниятида, шундан сўнг у фаолиятини давом эттиришнинг турли вариантларини кўриб чиқади. Футболчига "Реал" қизиқиш билдирмоқда.
Альфонсо Дэвис сўнгги мавсумда "Бавария" сафида 38 та ўйинда майдонга тушиб, 3 та гол ва 8 та голли узатмага муаллифлик қилган. Transfermarkt уни 70 миллион еврога баҳоламоқда.