Мадриднинг “Атлетико” клуби ҳужумчиси Жоау Феликс “Астон Вилла”га ўтиш ниятида эмас.
"Матрасчилар" 23 ёшли футболчини сотишга тайёр, аммо унинг учун катта товон пули сўрашади, буни ҳамма ҳам кўтара олмайди. Marca хабарига кўра, "Астон Вилла" қиммат португалияликни сотиб олишни режалаштирган, бироқ Феликснинг ўзи фаолиятини давом эттириш учун бу вариантдан бош тортган.
Эътиборлиси, “Астон Вилла” шу кунгача аниқ таклиф билан чиққан ягона клубдир. Эслатиб ўтамиз, ҳужумчи ўтган мавсумнинг иккинчи ярмини ижара асосида Лондоннинг "Челси" жамоасида ўтказган эди.
