"Ливерпуль" бош мураббийи Юрген Клопп набираси туғилгач ўз ҳис-туйғулари билан ўртоқлашди.
“Мен қандай қилиб бобо бўлдим? Анчадан бери шунақа қиёфада юрганман, энди эса ҳақиқатан ҳам бобога айландим.
Бу – ҳақиқий бахт, биз тўрт ҳафтани бирга ўтказдик ва унинг ўсишини кузатдик. Бу, эҳтимол, мен сўнгги 30 йил ичида бошдан кечирган энг гўзал нарсадир.
Оилангга янги инсонни қабул қилиш ҳайратланарли", - дея немис мураббийининг сўзларини келтиради клуб матбуот хизмати.
Клопп 2015 йилдан бери “Ливерпуль” бош мураббийи ҳисобланади. Унинг қўл остида "қизиллар" еттита совринни қўлга киритишди.
