"Арсенал" "Бешиктош"нинг марказий ҳимоячи Роб Холдинг бўйича таклифини рад этди.
Туркия клуби 27 ёшли футболчи учун тахминан 2,5 миллион евро таклиф қилди, бу эса “канонирлар”га тўғри келмайди, деб ёзади журналист Девид Орнштейн. "Арсенал" марказий ҳимоячини сотишни кўриб чиқишга тайёр, бироқ бу учун анча каттароқ маблағ талаб қилинади.
Роб Холдингнинг трансфер нархи, Transfermarkt маълумотларига кўра, 8 миллион евро. Англиялик футболчининг шартномаси келаси йили тугайди, бироқ автоматик равишда бир йилга узайтирилиши кўзда тутилган. Ўтган мавсумда Холдинг 24та ўйинда қатнашиб, битта гол урган.
