"Брайтон" ярим ҳимоячиси Моисес Кайседонинг яқинлари шу ёзда Лондоннинг "Челси"сига трансфер амалга ошишига шубҳа қила бошлади. Аввалроқ эквадорлик футболчи Маурисио Почеттино жамоаси билан шартнома шартларини келишиб олганди, аммо "кўклар" товон пули борасида "Брайтон" билан келишиб олишлари керак.

Журналист Бен Жейкобснинг сўзларига кўра, Кайседонинг атрофидагилар “Челси” ва “Брайтон” ўртасидаги трансфер бўйича музокаралар суст кечаётганидан хавотирда.

Олдинроқ "Ливерпуль" Кайседо учун курашга қўшилиши мумкинлиги ҳақида хабарлар тарқалган эди.