"Ювентус" ҳужумчиси Душан Влахович "ПСЖ"га ўтишга рози бўлди.
Сербиялик футболчи сўнгги пайтларда Париж клубининг асосий нишонларидан бирига айланган.
Footmercato хабарига кўра, 23 ёшли футболчининг вакиллари билан олиб борилган музокаралар муваффақиятли якунланган: Влахович Лига 1 гиганти билан бонусларни ҳисобга олмаганда йилига 11 миллион евро маошли беш йиллик шартнома борасида келишиб олди.
Трансфер амалга ошиши учун "ПСЖ" "Ювентус" билан музокара олиб бориши керак. "Кекса синёра" ҳужумчи учун тахминан 80 миллион евро сўрамоқда.
Душан Влахович 2022 йилнинг январидан бери "Ювентус"да тўп тепади. Туринликлар сафида 63 та ўйинда майдонга тушиб, 23 та гол ва 6 та голли узатмага муаллифлик қилган.
