"Манчестер Юнайтед" дарвозабони Дин Хендерсон жамоани тарк этиш арафасида.
“Қизил иблислар” сафини тез орада “Интер” дарвозабони Андре Онана тўлдириши керак. Журналист Крис Уилернинг ёзишича, камерунлик футболчининг трансфери расман тасдиқлангач, “Манчестер Юнайтед” Хендерсонни сотади. 26 ёшли англиялик футболчининг "Ноттингем Форест"га ўтиш эҳтимоли юқори ва келишув 20 миллион фунт стерлинг (тахминан 23 миллион евро) атрофида бўлади.
Дин Хендерсон ўтган мавсумда ижара асосида "Ноттингем Форест"да ўйнади. У "ўрмончилар" сафида 20 та ўйин ўтказиб, 33 та гол ўтказиб юборган.
