"Ювентус"нинг собиқ ҳимоячиси Хуан Куадрадо "Интер"га ўтишга яқин турибди, бу ҳақда инсайдер Фабрицио Романо ўзининг Twitter саҳифасида хабар берди.
Манбага кўра, колумбиялик футболчи "нерадзуррилар"нинг 2024 йилнинг ёзига қадар шартнома таклифига рози бўлган. Сешанба куни футболчи тиббий кўрикдан ўтиши керак.
Эслатиб ўтамиз, аввалроқ Куадрадонинг “Интер”даги маоши бонусларни ҳисобга олмаганда йилига 2 миллион евро бўлиши маълум бўлган эди.
2022/2023 йилги мавсумда Хуан "Ювентус" сафида барча мусобақаларда 47 та ўйинда майдонга тушиб, 2 та гол ва 4 та голли узатмани амалга оширди.
