Дарвозабон Уго Льорис ёзги трансфер ойнасида "Тоттенхэм"дан "ПСЖ"га ўтиши мумкин. Олдинроқ Лондон клуби 36 ёшли франциялик дарвозабон мавсумга тайёргарлик кўрмаслиги, балки янги жамоа излаши мумкинлиги ҳақида маълум қилганди.
RMC Sport нашри хабарига кўра, Льорисни "ПСЖ"га ўтиш ғояси "васвасага солмоқда". Парижликлар футболчи ҳақида "Тоттенхэм"дан маълумот олди, аммо ҳозирча клублар ўртасида "аниқ ҳеч нарса" йўқ.
Уго Льорис "Тоттенхэм"да 2012 йилнинг ёзидан бери ўйнаб келмоқда. Ўшандан бери франциялик посбон “шпорлар” сафида 447 та ўйин ўтказиб, 508 та гол ўтказиб юборган.
Тransfermarkt портали Льорисни 3 миллион еврога баҳоламоқда.
