"Манчестер Сити" ва "Лейпциг" ўртасида ҳимоячи Йошко Гвардиолнинг трансфери бўйича музокаралар давом этмоқда.
Нуфузли футбол инсайдери Фабрицио Романонинг сўзларига кўра, айни дамда муҳокамада асосий нуқта – белгиланган трансфер суммаси, бонус тўловлари билан боғлиқ муаммолар йўқ. "Лейпциг" 100 миллион евро миқдорида бир марталик белгиланган тўловни талаб қилмоқда.
Журналистнинг сўзларига кўра, Гвардиолнинг ўзи бир ой олдин шахсий шартлар келишилганидан кейин "Манчестер Сити"га ўтишга интилмоқда. Ёш ҳимоячи Англия жамоасига қўшилиш истагида.
