"Бавария" ярим ҳимоячиси Леон Горецка хориж клубига ўтиш ниятида эмас.
28 ёшли футболчи тез орада сотилиши мумкин, чунки "Бавария" келаси мавсумда Томас Тухель қўл остида унинг истиқболига ишончи комил эмас. Ярим ҳимоячи кетишни истамаяпти ва асосий таркибдан жой учун курашиш ниятида, бироқ муқаррар сотилган тақдирда у Германияда қолишни афзал кўради, деб хабар беради SportBild. Аммо Бундеслигадан Горецкага ҳақиқий даъвогар – Дортмунднинг “Боруссия” клуби унинг юқори маошини тўлай олмайди.
Шу тариқа футболчи барибир бошқа чемпионатга ўтиши керак бўлади. Унга Англия Премьер-лигаси вакиллари қизиқиш билдиришмоқда.
