"Интер" дарвозабони Андре Онананинг "Манчестер Юнайтед"га ўтиши кечиктирилди.
Футбол инсайдери Фабрицио Романонинг сўзларига кўра, аввалги хабарларга қарамай, Андре Онана бугун Манчестерга учмайди. Футболчи ҳозирги жамоаси билан ҳамон Миланда.
Бугун дарвозабоннинг "қизил иблислар" лагерига ўтиши ҳақида расмий хабар берилмайди. Онана шу ҳафта охирида тиббий кўрикдан ўтиш учун Англияга бориши кутилмоқда.
Ҳозирда "Манчестер Юнайтед" трансфер учун керакли ҳужжатларни жадаллик билан тайёрламоқда.