"Челси" ҳужумчиси Пьер-Эмерик Обамеянг "Марсель"га ўтишга яқин.
Келишувдаги асосий тўсиқ Лига 1 клуби учун 34 ёшли футболчининг маоши жуда юқори деб ҳисобланган, аммо ҳозир томонлар муросага яқин. Журналист Санти Аунанинг янгиланган маълумотларига кўра, Обамеянг "Марсель" билан шартнома шартлари бўйича келишиб олмоқчи. "Оқ-кўк ранглилар" лойиҳаси габонликда катта таассурот қолдирди. Ҳозирча “Челси” билан трансфер келишувига эришилмаган.
Пьер-Эмерик Обамеянг ўтган мавсум бошида Лондон клубига келиб қўшилганди. У “кўклар” сафида 21 та ўйинда майдонга тушиб, 3 та гол ва битта голли узатмага муаллифлик қилган.
