"Ноттингем Форест" клуби дарвозабони Дин Хендерсон учун "Манчестер Юнайтед" билан музокараларга киришди.
Куни кеча "қизил иблислар" "Интер"дан Андре Онанани қўлга киритгандан сўнг дарҳол инглиз дарвозабони сотиб юбориши ҳақида хабар пайдо бўлди. Журналист Лаури Уайтуэллнинг янгиланган маълумотларига кўра, Хендерсон учун клублар ўртасида трансфер музокаралари аллақачон бошланган. Миш-мишларга кўра, "Ноттингем Форест" 26 ёшли футболчи учун 20 миллион евродан кўпроқ пул тўлайди.
Дин Хендерсон "Манчестер Юнайтед" асосий жамоасида 29 та ўйинда майдонга тушди. Футболчи ўтган мавсумда "Ноттингем Форест"да ижара асосида ўйнади ва "ўрмончилар" сафида Премьер-лигада 18 та ўйинда 31 та гол ўтказиб юборди.
