"Ювентус" ярим ҳимоячиси Артур Мело "Фиорентина"га ўтишга тайёрланмоқда.
Аввал хабар қилинганидек, 26 ёшли футболчи "бинафшаранглилар" лагерига ижара асосида қўшилиш арафасида турибди. Журналист Жованни Альбанезенинг сўзларига кўра, келишув сешанба куни ёпилиши мумкин, бироқ томонлар ҳали ҳам баъзи тафсилотларни ҳал қилиши керак. "Ювентус" Артур ижарада бўлган вақтида унинг маошининг ярмидан кўпини тўлаши кутилмоқда. Бразилиялик футболчини "Фиорентина" сотиб олиш ҳуқуқига ҳам эга бўлади.
Артур Мело 2020 йилдан бери "Ювентус"га тегишли. Ўтган мавсумда у "Ливерпуль"га ижарага берилган ва мерсисайдликлар сафида бор йўғи 1 та ўйин ўтказган.
