Бугун, 18 июль куни 31 ёшли ярим ҳимоячи Ориол Ромеу ўзининг тарбия топган клуби "Барселона"га қайтиши мумкин. Шу муносабат билан Mundo Deportivo нашри хабарига кўра, испаниялик футболчи ҳозирги жамоаси "Жирона" билан машғулот ўтказишдан бош тортган.
Бундан ташқари, каталонияликлар шартнома имзоланишини кафолатлаш учун 4,5 миллион евро тўлаши мумкинлиги ҳақида хабарлар бор.
Кеча эрталаб спортчи Барселонадаги шифохонада шифокор Рикард Пруна назоратида тиббий кўрикдан ўтди. Каталонияликлар энди сешанба куни "Челси"нинг собиқ футболчиси билан шартнома имзолаганини эълон қилишлари кутилмоқда.