"Астон Вилла" "Байер" вингери Мусса Диаби учун иккинчи таклифни юборди.
The Athletic нашри хабарига кўра, "Астон Вилла"нинг 24 ёшли франциялик футболчи учун иккинчи таклифи 50 миллион евро (42,9 миллион фунт) бўлган.
Аввалроқ Бирмингем клубининг 30 миллион фунт стерлинг ва 8,6 миллион фунт стерлинг миқдоридаги бонуслар ҳақидаги биринчи таклифи "Байер" томонидан тезда рад этилди.
Бу ёзда Пау Торрес ва Юри Тилеманс билан шартнома имзолаган "Астон Вилла" бош мураббийи Унаи Эмери Диабини асосий трансфер мақсади деб билади.
Мусса ўтган мавсумни ажойиб ўтказди, у "Байер" таркибида барча турнирларда 48 ўйинда майдонга тушиб, 14 та гол урди ва 11 та голли узатмани амалга оширди.
