Туркиянинг “Истанбул Башакшехир” клуби ҳужумчи Кшиштоф Пёнтекни ўз сафига қўшиб олганини эълон қилди. 28 ёшли польшалик ҳужумчи уч мавсумга мўлжалланган шартномани имзолади.
Бир вақтлар Пёнтекнинг келажаги буюклиги башорат қилинган эди. Поллшалик ҳужумчи янги Андрей Шевченко деб аталганди, аммо у Миланда ўйнай олмади. "Россонерилар" сафида умидларни оқлай олмаган Кшиштоф "Герта", "Фиорентина" ва "Салернитана"да ўйнашда давом этди. Энди польшалик ҳужумчи Туркияда ўзини кўрсатишга ҳаракат қилади.
Эслатиб ўтамиз, Туркиянинг сўнгги чемпионатида “Истанбул Башакшехир” бешинчи ўринни эгаллади.
