"Челси" бош мураббийи Маурисио Почеттино жамоанинг украиналик вингери Михайло Мудрик ҳақида фикр билдирди.

22 ёшли Мудрик Украина футболи тарихидаги энг қиммат футболчи ҳисобланади: январь ойида у 70 миллион евро эвазига "Шахтёр"дан "Челси»"га ўтган эди. Премьер-лиганинг 15 ўйинида у 2 та голли узатмани амалга оширди.

"Мен барча футболчилар билан кўп гаплашдим. Мен у жуда яхши йигит, ҳали жуда ёш ва ақл бовар қилмайдиган салоҳиятга эга эканлигини кўряпман. Энг муҳими, ишончни қозонишдир. Ёш футболчилар бизни ва бизнинг талабларимизни тушунишлари керак. Улар асосий таркибда бўлиш имконияти бор ёки йўқлигини тушунишлари керак", — деди Почеттино Football London нашрига.