Ҳимоячи Йошко Гвардиол ҳали баъзилар ўйлагандек "РБ Лейпциг"дан "Манчестер Сити"га ўтишга яқин эмас.
The Telegraph журналисти Жеймс Дакернинг ижтимоий тармоқларда ёзишича, клублар 21 ёшли хорватнинг трансфери борасида ҳалигача келишмаган. Гвардиол ҳали “шаҳарликлар” тиббий кўригидан ўтмаган.
Йошко Гвардиол “РБ Лейпциг” сафида икки мавсум ўтказди. Бу вақт ичида хорватиялик 87 та расмий ўйинда қатнашиб, бешта гол урди ва шерикларига учта самарали узатма берди.
Нуфузли transfermarkt портали мутахассислари Гвардиолни 75 миллион еврога баҳоламоқда.