Саудиянинг "Ан-Наср" клуби раҳбарияти Леверкузеннинг "Байер" клуби вингери Мусса Диабини қўлга киритишга ҳаракат қилмоқда.
Инсайдер Фабрицио Романонинг ёзишича, клуб франциялик футболчига фойдали шартнома таклиф қилган. Шу тариқа, "Ан-Наср" Диабини фаолиятини Яқин Шарқда давом эттиришга ишонтирмоқчи.
Аввалроқ Мусса фаолиятини Англия премьер-лигасида давом эттириши мумкинлиги ҳақида хабарлар тарқалган эди. Унинг хизматларига "Астон Вилла" қизиқиш билдирмоқда.
2022/2023 йилги мавсумда Диаби 48 та ўйин ўтказиб, 14 та гол урди ва 11 та голли узатмани амалга оширган.
