"Лейпциг" бош мураббийи Марко Роуз марказий ҳимоячи Йошко Гвардиолнинг "Манчестер Сити"га ўтиши ҳақидаги хабарларни тасдиқламади.
Нуфузли манбаларга кўра, клублар трансфер шартлари бўйича келишиб олган, футболчининг ўзи эса тиббий кўрикдан ўтган ва тез орада “шаҳарликлар” билан шартнома имзолаши керак.
"Гвардиол бизнинг футболчиларимиздан бири ва мен билишимча, у жамоада қолади. Мен “Манчестер Сити” учун биринчи ёки иккинчи тиббий кўрикдан ўтиш ҳақида ҳеч нарса билмайман. Ўйлайманки, агар бу рост бўлса, мен бош мураббий сифатида бу ҳақда билган бўлардим", - деди Роуз.
"Лейпциг" Йошко Гвардиолни "Манчестер Сити"га сотишдан тахминан 100 миллион евро ишлаб олиши мумкин.
