"Манчестер Юнайтед" "Фиорентина" ярим ҳимоячиси Софьян Амрабатнинг агенти билан боғланди.
Журналист Санти Унанинг хабарига кўра, "қизил иблислар" футболчига унинг вакили орқали шартнома шартларига кўра расмий таклиф билан чиқишган.
Олдинроқ "Ал-Аҳли" Амрабат учун 15 миллион евро таклиф қилгани, аммо марокашлик ярим ҳимоячи Саудия Арабистонидан келган клуб таклифини қабул қилишга ҳозирча тайёр эмаслиги ҳақида хабар берилганди. Софьян Эвропада қолишни афзал кўрмоқда.
Эслатиб ўтамиз, Амрабат узоқ вақтдан бери Европанинг топ-клубларининг нишонида бўлиб келган. Аввалроқ, "Фиорентина" билан трансфер борасида келиша олмаган футболчига "Барселона" ҳам қизиқиш билдирган эди.
