"Манчестер Сити" ўнг қанот ҳимоячиси Кайл Уокер учун 15 миллион евро товон пули талаб қилмоқда.

Эслатиб ўтамиз, яқинда Мюнхеннинг "Бавария" клуби футболчининг трансферига розилигини олган, бироқ немис жамоаси "Манчестер Сити"нинг ўзи билан ҳали келишмаган.

Ҳозир клублар ўртасида фаол музокаралар давом этмоқда. Уокер аллақачон раҳбариятга ва шахсан мураббий Хосеп Гвардиолага Мюнхенга кўчиб ўтиш истаги ҳақида айтганди, у ерда унга икки йиллик шартнома таклиф қилинган.

Уокер 2017 йилнинг ёзидан буён "Манчестер Сити" сафида тўп тепади ва шундан бери клуб билан мумкин бўлган барча совринларни қўлга киритди.