"Кристал Пэлас"дан кетганидан сўнг эркин агент мақомига эга бўлган ивуарлик ҳужумчи Уилфрид Заха Туркия чемпионатига ўтиши мумкин. Daily Mail хабарига кўра, 30 ёшли футболчининг хизматларига Истанбулнинг "Галатасарой" клуби қизиқиш билдирмоқда.
Манбага маълум бўлишича, турк гиганти африкалик футболчига йилига тўққиз миллион евро маош билан меҳнат шартномасини таклиф қилишга тайёр.
Уилфрид 2015 йилдан бери “Кристал Пэлас” сафида тўп тепиб келаётганди. Ҳужумчи Англия Премьер-лигасининг сўнгги мавсумида 27 та ўйинда майдонга тушди. Кот-д'Ивуарлик футболчи 7 та гол урди ва иккита голли узатмани амалга оширди.
