Дортмунднинг «Боруссия» клуби бош мураббийи Юрген Клопп Европа чемпионлар лигасининг 4-туридан ўрин олган «Реал»га қарши учрашувдан кейин ўйин борасида ўз фикрлари билан ўртоқлашди.

«Агар бу учрашувда биз Мадридда тўп сурганимизни ҳисобга олмасак, одатдаги учрашувлардан бири бўлди. Иккала жамоа ҳам асабий ўйинда ўта юқори савиядаги, юқори тезликдаги ўйинни намойиш этиб беришди».

«Жамоам биринчи бўлимда рақибдан устунроқ ҳаракат қилди. Иккинчи бўлимда эса биз кутилмаган ҳолатларни намойиш этдик. Ўйин охирига яқин «Реал» бизни кучли сиқувга олди, аммо бир нарсага ишончим комилки, агар биз қарши ҳужумдан фойдалана олганимизда учинчи голни ҳам киритган бўлардик».

«Албатта, учрашувнинг сўнгги дақиқаларида тўп ўтказиб юбориш ачинарли. Аммо бу биз учун жуда қизиқарли ва эҳтиросли ўйин бўлди. Биз рақибни ўз ўйини билан қармоққа туширдик», дея Клоппнинг сўзларидан иқтибос келтирмоқда УЕФА расмий сайти.