"Бавария" марказий ҳимоячиси Маттейс де Лигт янги жамоадоши ҳақида гапирди.
Жанубий кореялик футболчи Ким Мин Же 18 июль куни Италиянинг “Наполи” клубидан мюнхенликлар сафига расман келиб қўшилди. Трансфер нархи 50 миллион еврони ташкил қилди.
"Ким Мин Же мен каби инглиз тилида гапиради, шунинг учун биз бу борада қийинчиликка дуч келмаслигимиз керак.
Янги келган футболчининг жамоага тезда мослашиши жуда муҳим, аммо бу қийинчилик туғдирмаслиги керак", - деди голландиялик футболчи 26 ёшли марказий ҳимоячи ҳақида.
Ким Мин Же "Бавария" билан 2028 йилнинг ўрталарига қадар шартнома имзолади.
