КХДР ёшлар терма жамоаси сардори Канг Нам Гвон Вьетнам устидан қозонилагн 5:0 ҳисобидаги ғалабадан хурсанд эканини айтиб, Ўзбекистонга қарши кечадиган ҳал қилувчи ўйинда чорак финал масаласини ҳал қилишга умид билдирди.

"Ўзбекистонга қарши ўйинда албатта ғалаба қозонишимиз керак. Иордания билан дуранг ўйнаганимиз учун бунга мажбурмиз. Ўйинга шу муносиб тайёргарлик кўришимиз керак", дейди сардор.

"Иорданияга қарши ўйин бизни "уйғотди". Биз бу ўйинга жисмоний жиҳатдан тайёр эмасдик. Лекин биз стратегик, тактик томонлама ғалабага муносиб эдик. Биз бугун нималарга қодирлигимизни кўрсатдик ва шундай ўйинни Ўзбекистон билан ўйинда ҳам кўрсатамиз. Ушбу ўйин бизнинг мусобақадаги тақдиримизни ҳал қилади ва биз бу ўйинга 100 фоиз тайёр бўлишимиз керак", дейди Канг.

У Вьетнам дарвозасига урган голи ҳақида қуйидагича фикр билдирди: "Жамоамнинг ғалабасига ҳисса қўшганимдан хурсандман. Менинг голимдан кейин жамоанинг ўзига бўлган ишончи ортди. Ўйин бошида гол уриб олиш биз учун муҳим аҳамиятга эга эди.

"С" гуруҳида КХДР ва Ўзбекистон терма жамоалари 4, Иордания эса 2 очкога эга бўлиб турибди. Вьетнам ҳисобида эса ҳозирча очко йўқ.