Марокаш терма жамоаси етакчиларидан бири, марказий ҳимоячи Ромае Саисс Истанбулнинг "Бешиктош" клубини тарк этиб, Қатарнинг “Ас-Садд” жамоасига ўтди. Бу ҳақда Қатар клуби матбуот хизмати хабар бермоқда.
Transfermarkt портали маълумотларига кўра, "Бешиктош" 32 ёшли футболчини сотишдан 2,5 миллион евро ишлаб топган.
Эслатиб ўтамиз, Саисс ўтган йилнинг куз-қишида Қатарда бўлиб ўтган жаҳон чемпионатида тўртинчи ўринни эгаллаган Марокаш терма жамоаси етакчиларидан бири эди.
Аввалроқ футболчилик фаолиятида “Бешиктош”дан ташқари “Клермон”, “Гавр”, “Анже”, “Вулверхэмптон” каби клубларда ўйнаган.
