"Ювентус" ҳимоячиси Леонардо Бонуччи манфаатларини ҳимоя қилувчи футбол агенти Алессандро Луччи ўз мижозининг келажаги ҳақида гапирди.
"Мен Бонуччи ҳақида жуда кўп фантастик миш-мишларни эшитганман, лекин унинг асосий истаги - бир неча ой олдин клуб сардорига айланган "Ювентус"да қолиш. У жаҳон даражасидаги футболчи, Италия терма жамоаси сардори ва “Ювентус” етакчиси. Агар бозордаги вазият ўзгарса, биз ҳамма учун энг яхши ечимни топиш учун фақат унинг даражасига мос вариантларни кўриб чиқамиз", - деди агент.
Аввалроқ футболчи хизматига “Интер” ва “Лацио” клублари қизиқиш билдираётгани ҳақида хабарлар тарқалган эди.
