Париж мэри "ПСЖ"нинг Килиан Мбаппени рўйхатдан чиқариб ташлагани учун танқид қилди.
Эслатиб ўтамиз, "ПСЖ" Мбаппени ёзги Япония турнеси учун қайдномага киритмаган эди. Ҳужумчи шартномасини узайтиришдан бош тортди ва 2024 йилда клубни эркин агент сифатида тарк этмоқчи. "ПСЖ" ёзда Мбаппе бўйича таклифларни тинглашга тайёр.
"Мен "ПСЖ"нинг бу ўйинларини тушунмаяпман. Килиан Мбаппе - дунёнинг энг яхши футболчиси. Мен ҳеч нарсани тушунмаяпман, тан оламан.
Килиан - фавқулодда футболчи, уни Парижда сақлаб қолиш керак. Менимча, у ҳам имкон қадар бу ерда қолишни хоҳлайди. Гап шундаки, "ПСЖ" қандайдир ўйинларни бошлади", - дейди Анн Идальго.
