"Локомотив" ҳимоячиси Самуэль Опех биринчи давра ҳақида гапирди.

- Биринчи давра ҳақида нима дейсиз?

- Менимча, биринчи даврада олдимизга қўйилган вазифани ортиғи билан бажара олдик. Албатта, бунга мураббийлар штабининг кўрсатмалари асосий ўринда бўлди. Улар ҳар бир баҳс биз учун финалга тенг эканлигини тушунтиришди. Биринчи даврани пешқадам сифатида якунлашимиз бежизга эмас.

- Даврадаги энг яхши ўйинингиз ҳақида.

- "Қўқон-1912"га қарши ўйин. У ерда рақибдан 1 киши кам бўлиб қолганимизга қарамасдан, ўйин якунигача ғалаба учун ҳаракат қилдик ва мақсадимизга эришдик. Бундай кайфият мавсум якунига қадар жамоани тарк этмаслиги учун ҳаракат қиламиз.

- Иккинчи давра ҳақида нима дейсиз?

- Мавсумни яхши тугатиш учун жиддий тайёргарлик кўряпмиз. Биламиз, бу осон бўлмайди. Жамоада менталитет шундай - барчамиз ушбу мавсумни пешқадам сифатида якунлашни ният қилганмиз. Шу сабабли барча ўйинларда бор кучимиз билан ўйнашга ҳаракат қиляпмиз. Навбатдаги мавсумда "Локомотив" Суперлигада ўйнашига ишонаман.

- "Локомотив"даги мақсадингиз қандай?

- Соврин ютиш. "Локомотив" учун жонимни бериб ўйнашга тайёрман. Совринлар ва орзулар аста-секинлик билан келади.