Каталониянинг «Барселона» клуби ҳужумчиси Лионель Месси Европа чемпионлар лигасининг «Селтик»ка қарши ўйини борасида ўз фикрларини билдириб ўтди.

«Биз барчасини тўғри бажардик. Ҳаттоки, икки ҳафта олдинги учрашувдан кўра яхшироқ ҳаракат қилдик, бироқ тўп ҳадеганда тўрга бориб тушишни хоҳламади».

«Камп Ноу»да ҳам вазият шундай тус олганди. Улар ҳимояда ўйнашди ва қарши ҳужумларни кутиб ҳаракат қилишди. «Селтик» тактик жиҳатдан жуда яхши ҳаракат қилди. Айниқса улар бурчак зарбаларини унумли фойдаланишди».

«Биз умуман олганда ёмон ўйин ташкил қилмадик. Нима лозим бўлса, барчасини қилдик. Жуда кўплаб имкониятлар яратдик, бироқ уларни голга айлантира олмадик. Албатта рақиб дарвозабони ҳам яхши ҳаракат қилди. Мағлубият албатта ёқимсиз бўлди», дея Мессининг сўзларидан иқтибос келтирмоқда «ESPN» нашри.