Мюнхеннинг "Бавария" клуби вингери Лерой Сане жамоасининг келаси мавсумдаги умидлари билан ўртоқлашди.
Эслатиб ўтамиз, аввалги мавсумда "қизил машина" сўнгги турда Дортмунднинг "Боруссия" жамоаси ва "Майнц" ўртасидаги дуранг эвазига Бундеслигани қўлга киритганди.
"Бавария"нинг кейинги мавсум учун жуда катта режалари бор. Биз жуда ғайратлимиз ва сўнгги мавсумдагидан ҳам яхшироқ натижа кўрсатишни хоҳлаймиз”, — деди Сане.
Аввалроқ, "Бавария" Санени сотмоқчи, деган миш-мишлар тарқалганди, аммо футболчи "Альянс Арена"да қолиб, ўз салоҳиятини юзага чиқаришни истамоқда. Эслатиб ўтамиз, германиялик футболчи жамоада 2020 йилнинг ёзидан буён ўйнаб келмоқда.
