"Брайтон" ярим ҳимоячи Мойсес Кайседони сотишга шошилмаяпти.
Пайшанба куни маълум бўлишича, "чайкалар" "Челси"нинг 21 ёшли футболчи учун яна бир таклифини рад этишди. Журналист Девид Орнштейннинг сўзларига кўра, "Брайтон" эквадорлик футболчини ўз сафида сақлаб қолишга қарор қилган ва агар потенциал харидорлар 100 миллион фунтдан кўпроқ сумма (тахминан 116 миллион евро) таклиф қилмаса, уни шу ёзда сотиш ҳақида ўйламайди ҳам.
Transfermarkt экспертлари Мойсес Кайседонинг нархини анча паст - 75 миллион еврога баҳоламоқда. Футболчининг амалдаги шартномаси 2027 йилнинг ўрталарига қадар тузилган.
