"Милан"нинг янги футболчиси Самуэль Чуквуезе "Наполи" ҳужумчиси Виктор Осимхен билан трансфердан олдин маслаҳатлашди.
Пайшанба куни "россонерилар" "Вильярреал"дан 24 ёшли футболчи билан шартнома имзолаганини расман эълон қилди. Трансфер нархи 20 миллион еврога баҳоланмоқда.
"Мен Осимхен билан гаплашганимда, у менга: "Милан" ажойиб клуб, рози бўл, деди." Шунингдек, у "Милан" мухлислари қанчалик яхши эканини таъкидлади. Мен уни мағлуб этишимни айтдим, у: "Кўрамиз", деб жавоб берди. Виктор Италияга келишимни жуда хоҳларди. У менинг трансферимда муҳим роль ўйнади", - дея Виктор Осимхен билан бирга Нигерия терма жамоасида ўйнаётган Чуквуезенинг сўзларини келтиради журналист Альфредо Педулла.