"Манчестер Сити" ярим ҳимоячи Бернарду Силвани бошқа клубга ўтишига йўл қўймайди.
Португалиялик футболчига "ПСЖ", "Барселона" ва Саудия Арабистони чемпионати вакиллари қизиқиш билдирмоқда.
28 ёшли футболчини сотиб олмоқчи бўлганлар камида кейинги йилга қадар кутишлари керак, чунки Рамон Салмуррининг сўзларига кўра, "Манчестер Сити" ҳозирда ўз юлдузини сотишдан умуман манфаатдор эмас. Ярим ҳимоячининг бирор жойга ўтиши жуда даргумон.
Transfermarkt Бернарду Силванинг трансфер нархини 80 миллион еврога баҳоламоқда. Миш-мишларга кўра, футболчининг ўзи фаолиятини "Барселона"да давом эттирмоқчи.